Os doce arqueólogos que están investigando o xacemento da Cova Eirós de Triacastela veñen de descubrir nas inmediacións da cova materias primas como cuarzo e cuarcita, sílex e cristal de rocha, estes últimos máis afastados.
Por esta razón, a Fundación Palarq decidiu financiar unha nova investigación sobre os cuarzos da Cova Eirós, xa que tamén apoia a máis de 500 equipos españois que traballan no eido da arqueoloxía e da paleontoloxía.
Os investigadores, pola súa banda, xa comezaran a estudar as ferramentas feitas en cristal de rocha este ano, pero teñen que poñer en común todo o material analizado e, coa axuda de Palarq, realizar unha análise xeoquímica nun laboratorio da University of Lorraine para determinar se algún obxectos da Cova Eirós se corresponden co Paleolítico Superior.
