A Deputación de Lugo avanza nos traballos para a conservación e mellora da ponte de Uriz, en Begonte, que forma parte da estrada provincial LU-P-5101. Esta actuación obriga a realizar cortes de tráfico en días laborables en horario de mañá –de 8.00 a 15.00 horas- ata mediados de setembro.
O proxecto, cun investimento que supera os 44.000€, un prazo de execución dun mes e que foi encargado ao Grupo Bascuas, inclúe a reconstrución de varios elementos danados como os tallantes, que protexen as pilas da ponte fronte á velocidade da auga ou elementos que esta arrastra. A estrutura data de finais do século XVIII e principios do XIX.
