Javier Martínez, Mariano Torres e Alba Abril foron os tres regatistas do Club de Vela Fluvial As Pontes que disputaron o Campionato do Mundo da clase vaurien como membros do equipo español.
Este campionato do mundo celebrouse na localidade normanda de Lle Havre, na Canle da Mancha e estivo marcada por unhas duras condicións meteorolóxicas, con pouco vento, moita choiva e roles con corrente moi cambiante que non llo puxo fácil aos regatistas.
Esta cita internacional pechouse con doce probas completadas e con extraordiarios resultados para os regatistas ponteses, onde a dupla formada por Javier Martínez e Mariano Torres levantouse a un magnífico 4° posto en categoría xuvenil, quedando clasificada a tripulación composta por Alba Abril e Isabel Cabelo no 5° posto da mesma categoría.
O equipo do Fluvial das Pontes mostrouse competitivo nun campo de regatas moi complicado, pouco vento, moita choiva. O resto da frota estaba composta por 56 barcos representando a 8 países.
