Vilalba será escenario o sábado 19 de agosto da quinta edición da Nocturna de San Ramón, organizada polo Club Atletismo Vilalba coa colaboración do Concello de Vilalba.
Tras uns anos de parón desde a pandemia regresa a proba, con chegada e saída á praza da Igrexa.
As carreiras comezarán ás 20.00 horas coas diferentes categorías infantís e xuveniles.
A proba senior, de cinco quilómetros dará comezo ás 22.00 horas e haberá tamén a esa hora unha andaina de tres quilómetros.
“Máis alá do carácter competitivo que ten unha carreira, o importante na Nocturna de San Ramón é facer deporte, fomentar os hábitos de vida saudables e pasar un bo rato con familiares e amigos”, asegura Elba Veleiro, alcaldesa e responsable da área de Deportes no concello.
As incricións están abertas ata o 15 de agosto e poden realizarse en www.championchipnorte.com.
As persoas interesadas en participar na andaina poden facelo telemáticamente ou presencialmente, o propio día da Nocturna de San Ramón desde as 17.00 ata as 20.00 horas na praza de Sta. María.
