O Festival Osa do Mar que se celebrará en Burela os días 1 e 2 de setembro contará con Ángel Stanich, Bala&Lúa Mosquetera, Caamaño&Ameixeiras, Catuxa Salom, Carlangas, Eme DJ, Fillas de Cassandra, Grande Osso, Juno, La Paloma, Medio Quinhón, Óscar Fedez&Leo Salinas, Sexy Zebras, Shego, Xoel López e Batuko Tabanka.
Daniel García, da Deputación de Lugo, subliñou “que o Osa do Mar xurde e que se mantén como unha iniciativa do tecido asociativo local, da Asociación Cultural Fanto Fantini, algo pouco habitual no mapa de festivais. Para a Vicepresidencia da Deputacíon de Lugo é prioritario dar apoio ás propostas do asociacionismo e á xente que está detrás delas, e facelo de xeito estable e continuado para que poidan traballar con certezas”.
Tamén valorou “a aposta que fan polas bandas galegas e a música en galego, moi presente no cartel deste ano. Seguimos precisando ampliar os escenarios e os altofalantes para as nosas artistas e para a nosa lingua”. A área de Mocidade achega 12.000 euros á organización do Osa do Mar.
“Sen o apoio das institucións non seríamos capaces de sacar adiante o Osa do Mar”, dixeron, “as axudas que tivemos desde o primeiro ano do Concello de Burela e da Vicepresidencia da Deputación de Lugo este ano, incorpórase cunha colaboración moi importante para nós Xunta de Galicia e o Camino Xacobeo”.
Tamén aclararon que o Festival Osa do Mar de Burela “é un festival sen ánimo de lucro e organizado 100% e desde o inicio pola Asociación Cultural Fanto Fantini”.
PROGRAMA.
O venres no Escenario Vibra Mahou:
Óscar Fedez & Leo Salinas.
Shego.
Fillas de Cassandra.
Sexy Zebras.
_juno
Grande Osso
O sábado:
Sesión Bearmú Paco y Lola:
Catuxa Salóm
Ángel Stanich
Nas Tardes de Peixe (no Barco Museo):
Caamaño&Ameixeiras
Batuko Tabanka
Bala e Lúa Mosquetera.
No Escenario Vibra Mahou:
La Paloma
Xoel López
Medo Quinhon
Carlangas
Eme dj
