A Semana de Cine, dedicada aos irmáns Coira, terá lugar do 18 ao 23 de setembro con centos de proxeccións e seis películas a concurso. Hoxe ábrese unha exposición de caricaturas.
Un ano máis Lugo volverá centrarse no sétimo arte coa celebración da Semana de Cine de Lugo, entre o 18 e o 23 de setembro, que ten un aniversario importante, xa que chega á súa 45 edición, preto xa do medio século de historia.
Ademais das proxeccións, que terá lugar o luns, a Semana de Cine conta cunha serie de actividades complementarias que se inician hoxe coa apertura da exposición de caricaturas de cine de Gogue, a beneficio de Aspnais e coa colaboraación de Lugo Monumental. Será ás 16.30 horas no Círculo das Artes.
Ademais o luns 18, ás 20.00 horas, no salón da Deputación Provincial terá lugar a proxección homenaxe Auxilia, á que asistirá Nuria Neira Vila, delegada de Auxilia en Lugo. E, ás 22.00 horas, no auditorio, acto inaugural. Música de cine coa Banda Sons e Soños-Banda da Semana de Cine, dirixida por Armando Morale, con obras coñecidas como La conquista del paraíso, Carros de fuego, El último mohicano, Forrest Gump e Colonel Bogey (El Puente sobre el Río Kwai). Complétase con debuxos en area de Marcos Escudero.
O martes seguirá a programación complementaria ás 18.00 horas no edificio da Delegación territorial da Xunta en Lugo, coa inauguración da exposición homenaxe aos Irmáns Coira. Ademais, presentarase o libro homenaxe, e salutación de Pepe Coira aos asistentes da proxección de Eloxio da distancia, primeira das películas da Retrospectiva Irmáns Coira. A continuación, na Deputación Provincial, terá lugar a homenaxe a Anxo Arias Prado (Foto Oliver), de Viveiro. Proxectarase a película Cardoña. Fotos a 7 pesetas.
Ao día seguinte será a homenaxe a E para comer, Lugo, de novo na Deputación. Participarán Cheché Real, presidente da Asociación Provincial de Empresarios de Hostelería, e Alfredo Sánchez Carro, promotor deste eslogan.
O xoves ás 20.00 horas proxectarase na Deputación Provincial El amigo americano, elixida polo público como Mellor película na primeira Semana de Cine.
O venres abrirase a exposición-homenaxe aos Irmáns Coira na Biblioteca Provincial de Lugo, que seguirá aberta ata o 4 de outubro. Ás 19.00 horas, no salón de columnas do Círculo das Artes, Gogue asinará reproduccións das súas caricaturas, a beneficio de Aspnais. Asistirá o presidente desta entidade, José Reigosa. Rematarán a xornada ás 20.00. horas no salón da Deputación cunha salutación de Pepe Coira aos asistentes á proxección do capítulo especial de As leis de Celavella.
Rematará a programación especial o sábado ás 13.00 horas co Paseo do cine e o descubrimento das dúas novas placas do Paseo, dedicadas aos Irmáns Coira (asistirán Pepe e Jorge Coira), e a Eduardo Fajardo.
COLABORACIÓN DA UNED
É a Semana de Cine unha actividade organizada polo Grupo Fonmiñá en colaboración coa Deputación Provincial, Concello de Lugo, Xunta de Galicia e UNED Lugo e sempre un referente para os cineastas galegos. Conxuga coma sempre o mellor do ano cunha sección oficial a concurso, ademais dos documentais e un gran apartado dedicado ás curtametraxes.
SECCIÓN OFICIAL
Películas
- The quiet girl
- El caftán azul
- El acontecimiento
- Empieza el baile
- Hasta que el amor nos separe
- Cuando la alondra canta
Curtametraxes
- Tectónica de placas
- Tap tap
- 7 dosis de dopamina
- Robots
- Solidarity day
- Calxophobia
Este ano colabora co festival a UNED Lugo, que dirixe Ana Traseira, quen manifestou a súa satisfacción con este evento “un dos máis importantes que se desenvolven nesta cidade, un evento de moito prestixio, que amosa a súa supervivencia tantos anos”. Traseira agradeceu ao grupo Fonmiñá “que teñan pensado na UNED Lugo como unha das institucións patrocinadoras”.
“Unha das nosas misións como universidade é promover a actividade cultural axudando aos nosos estudantes que poidan acudir de xeito gratuíto a este evento, a todas as películas que se van proxectar; é unha forma de poñer o noso grao de area para a formación cultural do noso alumnado”, concluiu.
PROGRAMACIÓN DE CINE
Este ano faise unha importante retrospectiva á historia do cine xa que o propio cartel é unha foto de agosto de 1914, da rodaxe en Lugo do cineasta José Gil, desde un automóbil que circulaba polo adarve.
A retrospectiva nesta ocasión está dedicada aos irmáns Coira, que triunfan esta tempada coa súa serie Rapa e que recibiron o seu recoñecemento na cita dos Mestre Mateo.
As películas que se verán nesta semana de cine
Infantil
- En busca del mapa perdido
- El Principito
- El secreto de Vicky
- Hooper, el pollo liebre
- Una amistad para siempre
- Oink oink
O mellor do ano
- La ballena
- Un segundo
- Close
- Aftersun
- Eo
Cine documental
- Chichi e mais eu
- La memoria del Cine
- Mia Moglie
- No se oye
- Orilla
- Xeosónica
- Nos acompañamos
- Bienvenido a ma maison
- Chomón el incoherente
- Estragos del lienzo
- Elexia de atacama
Homenaxes
- Raúl
- Amor sin barreras
- Invictus
- La vida entre dos noches
- Papá
- Cardoña.fotos a 7 pesetas
- Delicioso
- El amigo americano
- Celavella na Habana
Portugal
- Vello Cárcere
- Já nada sei
- Vidas na fronteira
- Jose Luis Espinosa, o espía
- O amor é auga que corre
- A raia
- Auga nas guelras
- Amoreiras
- A muñeca de Kafka
- Anticlímax
- El mono
- Diáspora
- A costa dos lançados
Retrospectiva Irmáns Coira
- Eloxio da distancia
- 18 comidas
- A seara eroski paraíso
- Beiras. Vivir 2 veces
- Código emperador
