O goberno local de Láncara conseguiu que a CHMS se encargue da substitución da ponte que se atopa sobre o río Sarria no núcleo de Supena despois de que se publicara no BOE un anuncio da CHMS no que se informa publicamente do proxecto.
Así, a CHMS será a encargada de cambiar a ponte, que presenta un estado deficiente de conservación, polo que se viu necesaria a reparación da súa estrutura xa desde o pasado 3 de febreiro, cando se firmou o protocolo de compromiso entre as dúas entidades.
A inversión para acometer estes traballos será de máis de 750.000 euros, financiados no seu 80% polo pola Confederación Hidrográfica Miño-Sil e o 20% polo Concello de Láncara.
As obras contemplan a demolición completa da estructura existente e a construción duhna nova ponte de dous carrís, mellorando a comunicación de máis de 200 vecinos dos núcleos de Ronfe e Pousadela.
