Traballadores das firmas auxiliares da central térmica de Endesa nas Pontes volverán manifestarse para pedir garantías de emprego e que o colectivo non acabe en situación de paro unha vez que se produza o peche das instalacións. Así o pactaron nunha reunión CCOO, UXT e CIG xunto á coordinadora da industria auxiliar do complexo.
As centrais xa anunciaras o seu descontento cos compromisos concretos tanto no campo laboral como en canto ao futuro da zona. Deste modo anunciaron que estas medidas de presión desenvolveranse a curto prazo, sen dar datas fixas. Polo de pronto haberá unha asemblea o 20 de setembro para decidir os próximos pasos a seguir.
“Esiximos medidas que garantan a continuidade laboral dos afectados sen ter que pasar polo desemprego”, explicaron. Ao seu xuízo, “unha transición é xusta se non é con despedimentos”, polo que emprazaron a “buscar alternativas que arroupen a situación das persoas traballadoras da industria auxiliar”.
Os sindicatos instan a abordar alternativas reais e concretas cara a unha transición xusta que garanta a continuidade do emprego e defínanse proxectos reais na localidade.
