A nova praza diante da alameda de Vilalba, froito da reforma integral da rúa da Pravia, xa está a acoller actuacións músicais e outras actividades para desfrute da veciñanza.
O concelleiro de Infraestruturas Urbanas, Medio Ambiente e Espazos Naturais, Luis Fernández, sinala que un dos obxectivos desta actuación foi precisamente “que se puideran realizar este tipo de actos para desfrutar todos e todas”.
Este é o primeiro verán no que se pode facer uso da praza, logo das obras de reforma integral da rúa da Pravia, a arteria principal do concello.
Fernández destaca que a praza e o conxunto da reforma da rúa “forman parte da nosa aposta pola humanización e a recuperación dos espazos para as persoas”.
