Os nenos e nenas de Pantón poderán gozar do Samaín o vindeiro 31 de outubro. A aposta do Concello, dirixida á cativada, consiste nunha busca terrorífica da caveira sorpresa.
A actividade, que pretende facer gozar aos máis pequenos da casa, comezará ás 20.00 horas na Praza do Concello.
Ademais deste xogo para celebrar a noite máis terrorífica do ano, os nenos e nenas acompañados polas súas familias poderán gozar dunha merenda.
