O Distrito Forestal IX Lugo-Sarria organiza un obradoiro de poda de castiñeiro no marco dos cursos de formación ‘Cadeiras de divulgación Forestal, Outono 2023’ este vindeiro 28 de outubro.
A formación, que se impartirá no polígono industrial das Gándaras, estará a cargo de Pablo Antonio Fraga Gontán, enxeñeiro agrónomo especialista no ámbito dos castiñeiros.
O curso dará comezo ás 10.00 e rematará ás 14.00 horas dese sábado, incluíndo catro horas de formación nas que se falará sobre a época ideal para a poda, as ténicas e ferramentas que se deben utilizar en castiñeiro; así como se tratarán as diferentes fases de poda, de formación, de saneamento e de rexuvenecemento.
