Esta mañá, a partir das 11.30 horas, terá lugar o obradoiro ‘Ti serves, ti decides’ da Fundación Belarmino Fernández Iglesias, dirixida aos futuros e futuras profesionais e empresarios e empresarias da restauración, así como tamén aos adegueiros e adegueiras.
A proposta, que será presentada polo alcalde de Sober, Luís Fernández, pretende transmitir aos profesionais do sector unha serie de coñecementos e habilidades que axuden a prosperidade do seu negocio e eviten os problemas asociados co consumo abusivo de alcohol e co consumo do mesmo en determinados colectivos de risco como menores ou condutores.
Deste xeito, a proposta, que está aberta ao público en xeral, procura aos clientes dos negocios de hostalería e restauración, así como das adegas e doutros establecementos de venda de viños unha experiencia social sa e agradable.
Jacobo Peña, da entidade Espirituosos de España, impartirá a actividade, que se fai dende hai dez anos no centro. O evento conta coa colaboración da Unidade de Asistencia de Drogodependencia de Monforte de Lemos, que estará representada pola educadora social Luisa Astray.
