Unha veciña da Pobra de San Xiao, en Láncara, vén de propoñer aos veciños e comerciantes da parroquia e capital comercial do municipio que decoren os seus comercios con motivo da festa do Halloween, que ten lugar a finais deste mes.
Así, a idea xurdiu porque “son nova no pobo, pero creo que se poñemos todos un graniño de área podemos intentar levantar A Pobra, que aínda ten moito que ofrecer”, sostivo.
Ademais, di que non só se trataría de decorar os comercios, senón que tamén “estaría ben que se implicase toda a veciñanza, adornando os seus comercios e as súas casas, tanto en portas como en ventas, con motivos da festa do Terror”.
Tamén propón aos veciños que entre os días 30 e 31 de outubro agasallen con caramelos aos nenos e nenas de Láncara, así como se vistan de maneira coherente co día que se vai celebrar”.
Patricia Sánchez, esta veciña recén chegada, quere poñer en valor o comercio local de Láncara, así como crear iniciativas para unir á xente, que celebre as festividades e mellore a vida dos veciños, o que xa convenceu a varios comerciantes para que xa puxeran no seu cristal o cartel da iniciativa.
