O Concello de Guitiriz organiza unha visita á Ribeira Sacra para o luns, 16 de outubro.
A saída terá lugar ás 08:00 h desde a praza do Campo da Feira e o criterio de selección será por rigorosa orde de inscrición, tendo prioridade as persoas empadroadas no municipio.
As prazas son limitadas e todas as persoas interesadas en participar nesta iniciativa poderán inscribirse na oficina de turismo, ata o venres 13 de outubro ás 12:00 horas.
O viaxe terá un prezo de 40 euros e nesta tarifa inclúese o almorzo, a visita a unha bodega, o xantar, unha viaxe en catamarán, seguro e transporte.
