A alcaldesa de Guitiriz, Marisol Morandeira, recibirá este domingo, no Día do Veciño 2023, a distinción V de Veciño co que a Federación de Asociacións de Veciños recoñece o labor dun total de 25 persoas ou entidades que destacan por desempeñar un papel protagonista en favor da dinamización e promoción da súa comarca.
Esta nova edición do Día do Veciño, que reúne a milleiros de veciños e veciñas unidos polo mesmo sentimento de pertenza á terra, terá lugar o vindeiro domingo, 22 de outubro, e congregará a unhas 5.000 persoas no Pazo de Feiras e Congresos de Lugo. Ademais, a Deputación de Lugo, da que Marisol Morandeira, rexenta o cargo de Deputada de Muller e Igualdade, colabora co Día do Veciño cunha achega de 24.000 euros para distribuír entre os asistentes produtos de proximidade, entre outros fins.
Tras o convite a esta edición, Morandeira quixo destacar “o verdadeiro orgullo e honra que significa recibir este galardón que recoñece o esforzo diario que estamos a realizar por dinamizar e promocionar o noso municipio e a nosa contorna”.
