O documental ‘O médico dos pobres’ proxectarase na Pobra do Brollón o vindeiro domingo 19 de novembro. A peza recolle a historia de Manuel Díaz González, “o Pequeniño do Incio”, asasinado por falanxistas en 1936.
A proxección comezará ás 19.00 horas na Casa da Cultura Olga Novo. Haberá presentación e posterior coloquio con Patricia Castro e Julio Costa, da asociación A Memoria é Náufraga, impulsora do documental.
Manuel Díaz é lembrado como médico altruísta e persoa bondadosa que ademais foi alcalde republicano do Incio. No documental participan familiares e expertos historiadores, entre eles, o arqueólogo guímaro Xurxo Ayan Vila.
