O Concello de Castroverde sacou a licitación as obras de reforma do pavillón municipal de Castroverde, un proxecto que ten un orzamento de 62.047, 34 euros, IVE incluído.
O prazo de execución estimado é de tres meses e os traballos están agrupados en varias accións diferenciadas. Por unha banda renovarase totalmente a pintura interior do pavillón polideportivo. Tamén se cambiarán todos os rodapés por outros de pvc, máis resistentes á humidade e máis acordes coa estética xeral do edificio.
En terceiro lugar, e para garantir a seguridade de utilización do pavillón municipal, instalaranse entrepanos nas varandas existentes e construirase un tabique de cartón xeso resistente á humidade para illar termicamente as duchas.
Por último, compraranse e instalarán tres lousas magnéticas que sirvan á súa vez como taboleiro de anuncios para evitar
que se peguen carteis ás paredes e frear a deterioración e desgaste da pintura para aplicar. Unha delas situarase xunto á entrada de público do pavillón e as outras dúas unha á beira de cada un dos vestiarios.
Tamén adquiriranse doce xaboneiras para as duchas e tinta colgadoiros para os vestiarios.