A primeira hora da tarde onte quedou cortada a estrada provincial LU-P-1611 á altura do quilómetro 12, en San Pedro de Cerceda, no Corgo, debido a un afundimento da calzada provocado polas intensas chuvias dos últimos días.
A Deputación habilitou desvíos alternativos, que quedaron debidamente sinalizados, e está a traballar para poder restablecer o tráfico o antes posible.
