O tradicional Mercado de Outono que acolle a Praza de Abastos de Monforte comezou este sábado e manterá a súa actividade este domingo de 11.00 a 14.00 horas para ofrecer produtos típicos de outono de tempada que contará ademais con gastronomía, contacontos e diversos obradoiros relacionados co Samaín e cos cogumelos.
No espazo dos Mercados da Praza de Abastos, é posible, durante toda a fin de semana, adquirir produtos de tempada, produtos gastronómicos de outono: castañas, cogumelos, noces ou mel así como os produtos elaborados cós mesmos: doces, marmelos ou licores ademais de aceite, embutidos e queixos galegos.
En total son 12 postos de venda directa deste tipo de produtos dos que poderán desfrutar tanto veciños e veciñas de Monforte, como turistas e persoas interesadas neste tipo de iniciativas.