O Museo Pazo de Tor de Monforte acolle un módulo formativo de museoloxía social da man de Eloísa Pérez Santos, profesora de avaliación psicolóxica na Universidade Complutense de Madrid.
A iniciativa, promovida pola área de Cultura da Vicepresidencia da Deputación de Lugo a través da Rede Museística Provincial de Lugo, desenvolverase de 10.30 a 18.30 horas.
Durante as 8 horas de curso, analizaranse casos de estudo reais desenvolvidos na Rede Museística Provincial de Lugo, abordando exemplos das persoas participantes para reflexionar colectivamente sobre o papel dos museos e da cultura no benestar e desenvolvemento sostible de comunidades.
Así, o módulo está destinado a persoas vencelladas ao ámbito museístico e a outros contextos culturais, sociais ou educativos.
