Os Servizos Sociais do Concello de Láncara poñen en marcha os dous últimos grupos de debate con persoas maiores de 60 anos, enmarcados no proxecto Láncara Amigable coas Persoas Maiores.
A primeira das xuntanzas terá lugar o vindeiro martes 28 de novembro a partir dass 16.30 horas na Antiga Escola de Río. Está dirixida a persoas que vivan nas parroquias de Cedrón, Galegos, Lagos, Río, Vilouzán, Monseiro, Armea, Toldaos, Souto e Vilaesteva.
Pola súa parte, o xoves 30 de novembro ás 16.30 horas organizarase outra xuntanza no Antigo Centro Médico de A Pobra de San Xiao. Neste caso está enfocado a persoas que vivan nas parroquias de A Pobra de San Xiao, Bande, Muro, Ronfe, Neira, Oleiros, Vilambrán ou Larín.
Nas reunións falarase sobre experiencias positivas e negativas, así como de suxerencias de mellora en relación a espazos ao aire libre e edificios, transporte, vivenda, respecto e inclusión social. Tamén se abordarán cuestións como a participación social, a comunicación e información, o traballo e participación cidadá e os servizos Sociais e de Saúde. Os interesados en participar poden chamar ou enviar un WhatsApp ao número 672 501 713.
.