O grupo lugués Cantar Delas actuou esta fin de semana no salón de actos do Multiusos de Samos a través do seu concerto ‘Música de mulleres para ser cantada por mulleres’, do proxecto Creadoras de Música.
Así, moitas persoas do municipio achegáronse para desfrutar desta iniciativa promovida polo Concello e no marco das actividades programadas para reivindicar o Día Internacional Contra a Violencia de Xénero.
Desta maneira, a proposta tiña como finalidade dar a coñecer as composicións musicais e as súas creadoras, “postergadas durante séculos é escuridade da historia”, defenden as feministas.
Desenvolvemento do acto
Durante o concerto, Cantar delas interpretou temas como O virtus sapientiais do século XII, Quantas sabedes amar amigos do século XIII-XIV, A alba venid, buen amigo. Cacioneiro de Palacio nº6, e Se me a min nao casan. Cancioneiro de París nº19.
Entre as composicións populares, soaron tamén Alalá de Triacastela. Tradicional, Romance da lavandeira. Tradicional e Alalá das Mariñas, A marcha das mulleres e Volver a los 17. No programa tamén se inclúen Coplas de Cun de Modesta Bor, Si a mí me hubieran dicho, de Beatriz Corona, e Miserere, de Eva Ugalde.
