A Anpa do colexio Frei Luís de Granada de Sarria organiza diferentes actividades para os nenos e nenas do municipio con motivo do Nadal.
Así, as actividades comezarán o día 21 de decembro, no que a partir das 17.30 horas haberá un bingo nadaleño e unha chocolatada para todos os pequenos e as súas familias.
Ademais, tamén convocan o seu II Concurso de Adornos Nadaleños Reciclados, invitando a todos os nenos a participar dunha forma “responsable, participativa e respectuosa” co medio ambiente.
Así, o obxectivo é elaborar adornos nadaleños para o patio, a fachada e as zonas comúns do colexio con materiais de residuos a rexeitar e que se poidan utilizar para adornar. Poderán participar del persoas de forma individual ou de forma colectiva.
