Durante este mes de decembro, en Sober continúa en marcha unha programación con sesións de contacontos e obradoiros para os máis pequenos do Concello. O programa Merendas con Contos, desenvólvese de 16.30 a 19.00 horas na Biblioteca Pública Municipal de Sober.
Este venres homenaxearán a Hematrocrítico, falecido esta semana, a través da lectura de ‘Agente Ricitos’. Despois os nenos e nenas poderán participar nun obradoiro de decoración de Nadal.
O vindeiro venres 15 de decembro, o libro protagonista é ‘Alva e Papa Noel’ de Maren T Jelta Thu. De novo os cativos poderán gozar da creación de decoración para estas festas a través da participación nun obradoiro.
