O próximo venres 22, o Orfeón Lucense, coro oficial da Catedral de Lugo, celebrará o seu anual Concerto de Nadal na capela do Bó Xesús da Basílica. No concerto, que comezará ás 20,45 horas, estará acompañado polo pianista Adrián Arias.
O Orfeón, baixo a dirección do seu titular, Marcos Manuel Fernández Mosquera, ofrecerá neste concerto un amplo abano de cantos do Nadal, desde anónimos dos séculos XVI e XVII, e cantos de Francisco Guerrero ou Michael Praetorius, a cancións contemporáneas de destacados compositores europeos, pasando por cantos do Natal de Elvas (Portugal), ou cantos populares con versións modernas.
Esta agrupación, que cantará nas rúas da capital os próximos días 26 e 28, dentro do programa de concertos que organiza a Deputación Provincial, organiza este anual concerto do Nadal en colaboración coa Catedral lucense, ao que se invita a asistir a todas as persoas que queiran sentir O Nadal a través dos seus entrañables cantos intemporais.
