A Concellería de Educación e Difusión do Coñecemento en colaboración coa Escola Luguesa de Xadrez organizan o Torneo de Xadrez Escolar de Nadal.
Este celebrarase na praza de Abastos, na planta baixa, o vindeiro domingo 17 de decembro pola tarde de 16.00 a 19.30 horas. De 16 horas a 16.25 farase a confirmación dos participantes e o torneo dará comezo a continuación.
O sistema de xogo será suízo a 5 roldas a un ritmo de 8’+5”. Os emparellamentos realizaranse mediante programa informátic e non se admitirán reclamacións salvo erros na introdución de resultados antes da seguinte rolda.
As persoas que desexen inscribirse poden facelo no mail escolaluguesaxadrez@gmail.com antes do 16 de decembro ás 20 horas.
Para a categoría xeral haberá catro premios, de 100, 50 e 2 de 25 euros. Os menores de 18 campións na súa categoría recibirán un trofeo. Os participantes teñen que estar federados nalgún equipo, de non estalo a Escola Luguesa de Xadrez o federará no seu club.
