O Concello de Lugo informa de que o mércores, 13 de decembro, procederá durante a mañá, a partir das 8:30 horas, a un corte no servizo na Rede Municipal de Subministración de Auga con motivo das obras de conexión da rede ao núcleo de Cima de Vila, o que lle afectará ás rúas Doutor Ulises Romero e San Cibrao, así como aos lugares de Camiño da Penosa, Chousas Vellas, Barbaín e Estrada da Fonsagrada.
A Brigada de Augas estima que o servizo quedará restablecido esta mesma xornada.
O Concello pide desculpas á cidadanía afectada polas molestias que lles ocasione este corte de auga.
