A subdelegada do Goberno en Lugo, Isabel Rodríguez, informou que hoxe dá a segunda fase da operación saída de Nadal 2023, un dispositivo que se prolongará ata as 23.59 horas do luns 1 de xaneiro de 2024 e cuxo obxectivo é velar pola seguridade dos usuarios da vía.
Para estes días, prevese que se realicen polas estradas lucenses 75.000 desprazamentos, aos que haberá que sumar os que se realicen unha vez chegado ao destino durante os días festivos.
A subdelegada apelou á responsabilidade dos cidadáns para evitar asumir riscos que poden terminar nun sinistro mortal ou con persoas feridas. Así, entre as medidas que se adoptan para evitar accidentes están a realización de controis de alcoholemia e drogas en calquera punto da rede viaria para evitar condutas de risco.
Desde que comezou o período do Nadal, na provincia de Lugo non houbo que lamentar polo momento vítimas mortais pero se produciron 3 sinistros debidos á distracción e ao exceso de velocidade.
Recomendacións
Isabel Rodríguez subliñou que é vital non caer en excesos de confianza, sobre todo en desprazamentos de curta distancia e por vías coñecidas, que adoitan cobrarse boa parte das vítimas mortais na provincia. A DXT pon a disposición dos usuarios unha serie de recomendacións:
1) Non poñerse ao volante se nas celebracións se inxeriron bebidas alcohólicas, non deixar conducir a quen o fixera nin montarse con que non estea en condicións de conducir.
2) Precaución nos traxectos curtos e nocturnos.
3) Descansar sempre que o necesitemos.
4) Utilizar o chaleco reflector e extremar a precaución cando se circule a pé por estrada e en calquera zona insuficientemente iluminada.
5) Atención á circulación no inverno: informarse das condicións meteorolóxicas, reducir a velocidade e extremar a atención con mala visibilidade.
