Os nenos e nenas do municipio de Sober poderán desfrutar durante a tarde de hoxe e de mañá dunha gran Festa Infantil de Nadal no pavillón do CEIP Virxe do Carme desde as 16.30 horas.
Así, como todos os anos, os nenos e nenas poderán participar desta iniciativa, acompañados das súas familias, na que contarán con inchables, xogos, obradoiros e moita música.
Esta iniciativa, do Concello de Sober conxuntamente co centro educativo serve para dinamizar os días de Nadal no municipio de Sober e propoñer actividades lúdicas para os máis pequenos.
