A Área de Cultura do Concello de Taboada vén de presentar o programa de actividades deste Nadal para o mes de decembro e xaneiro e para todo tipo de público.
Así, a primeira delas é que poderá visitarse a exposición ‘Inmarcesibles’, da área de Servizos Sociais de Sober que busca mostrar corpos reais de mulleres, na Casa da Cultura durante todo o mes de decembro.
Por outra banda, o día 15 terá lugar o cine infantil coa película ‘Valentina’ a partir das 18.30 horas no auditorio do cuartel vello. O sábado 16, pola súa parte, terá lugar a obra do Dúo Veguedades ás 20.00 horas no mesmo lugar.
Pola súa parte, o mércores 27 celebrarase o teatro para bebés ‘Leo e as cores’ de Trémola Teatro no auditorio do cuartel vello ás 18.00 horas. Mentres, o día 30 será a quenda da AC Falcatrueiros de Monterroso, que representarán ‘War Clown. Seguimos dando guerra’.
Xa en xaneiro, o día 3 terá lugar o contacontos de Ana Meilán no auditorio do cuartel vello ás 18.00 horas e o xoves 4 o teatro para nenos ‘Elfos en prácticas’, de Trémola Teatro, ás 19.00 horas.
