O I Torneo Navidad Futsal deixou como gañador ao equipo AWA-Monforte de entre os 22 equipos que participaron deste enfrontamento entre xogadores de fútbol sala da comarca de Sarria.
A iniciativa, que tivo lugar entre o 26 e o 30 de decembro no pavillón José Mario González (O Chanto), fixo que moitos afeccionados ao deporte e, en concreto, ao fútbol sala, animáranse a achegarse ao pavillón do Chanto para desfrutar dos enfrontamentos.
Así, o equipo gañador recibirá un trofeo e 800 euros, o subcampión, Solfamidas, recibirá un trofeo e 400 euros; mentres que os terceiros e cuartos, A Lareira e Bazar Jardón, recibirán 120 euros e un trofeo.
Pola súa parte, o mellor porteiro elixido foi Borja, de Solfamidas; o mellor xogador por Fabián, de A Lareira, e a campión de consolación foi Taberna Orixe.
