A Concellaría de Políticas Sociais, que dirixe Isabel Vergara, abre o período de solicitude de prazas na Ludoteca de Nadal ‘Sarria Concilia 2023-24’, que se desenvolverá do 26 de decembro ao 5 de xaneiro nas instalacións do CEIP Frei Luís de Granada.
Esta actividade, á que se poderán apuntar as persoas interesadas ata o día 12 de decembro, conta con número de prazas limitadas e está dirixida aos nenos e nenas escolarizados nas etapas de Infantil e Primaria nos centros educativos de Sarria.
O servizo dividirase en tres horarios, un de Servizo Madrugadores, de 7.30 a 9.30 horas; unha Ludoteca de Nadal, de 9.30 a 14.00 horas; e As tardes do cole, de 14.00 a 15.30 horas, que inclúe servizo de friameira, garda e custodia.
As solicitudes deben presentarse no Rexistro xeral do Concello de Sarria e a publicación provisional da listaxe de admitidoss realizarase o día 14 de decembro. No caso de que algunhas solicitudes deban emendar ou completar a documentación presentada, poderán facelo do 15 ao 19 de decembro e ao día seguinte, o 20 de decembro, publicarase a listaxe definitiva de admitidos.
Entre o día 20 e o día 25 os admitidos deberán efectuar o pagamento do servizo, que ten un custo de 8,86 euros para o Servizo Madrugadores; 8,86 euros para a Ludoteca de Nadal; e 17,72 euros para ambos servizos conxuntamente.
