As familias que vaian desfrutar da Ludoteca de Nadal ‘Sarria Concilia 2023-24’ ou ‘Disney Nadal’, deberán efectuar o pagamento do servizo, que ten un custo de 8,86 euros para o Servizo Madrugadores; 8,86 euros para a Ludoteca de Nadal; e 17,72 euros para ambos servizos; entre o día 20 e o día 25, xa que este mércores sae a lista de admitidos.
Esta iniciativa, que se desenvolverá do 26 de decembro ao 5 de xaneiro nas instalacións do CEIP Frei Luís de Granada, está organizado pola Concellaría de Políticas Sociais, que dirixe Isabel Vergara.
O servizo dividirase en tres horarios, un de ‘Servizo Madrugadores’, de 7.30 a 9.30 horas; a ‘Ludoteca de Nadal’, de 9.30 a 14.00 horas; e ‘As tardes do cole”, de 14.00 a 15.30 horas, que inclúe servizo de friameira, garda e custodia.
