A Ludoteca de Nadal ‘Sarria Concilia 2023-24’ desenvolverase a partir do día 26 de decembro e ata o 5 de xaneiro nas instalacións do CEIP Frei Luís de Granada coa organización da Concellaría de Políticas Sociais, que dirixe Isabel Vergara.
Esta actividade conta con número de prazas limitadas e está dirixida aos nenos e nenas escolarizados nas etapas de Infantil e Primaria nos centros educativos de Sarria.
O servizo dividirase en tres horarios, un de Servizo Madrugadores, de 7.30 a 9.30 horas; unha Ludoteca de Nadal, de 9.30 a 14.00 horas; e As tardes do cole, de 14.00 a 15.30 horas, que inclúe servizo de friameira, garda e custodia.
