Desde o IES Xograr Afonso Gómez de Sarria veñen de informar de que durante este mes de decembro fixéronse actividades relacionadas coa discapacidade dentro “da nosa inquietude por promover valores inclusivos dentro da comunidade educativo”, explican.
Así, o pasado 5 de decembro, coincidindo coa conmemoración do Día do Voluntariado, recibiron á Fundación Juan Soñador e, da man dos seus educadores, o alumnado de 1º e 3º de ESO levou a cabo diferentes dinámicas grupais.
Por outra banda, o 13 de decembro os xogadores do equipo de baloncesto de Aspnais e do CD Lugo Genuine, Miguel e Carlos, e acompañados polo adestrador por Álvaro Fernandez, visitaron ao alumnado de 2º de ESO e do Ciclo Medio de Atención a persoas en situación de dependencia, que analizaron a importancia que ten o deporte coma fonte de saúde, promoción da autonomía persoal e participación social nas persoas con discapacidade intelectual.
Xa para rematar, esta última semana de decembro acudiron á Casa da Cultura de Sarria para visitar a Exposición de materiais de uso habitual para persoas con discapacidade. Alí viron a utilidade dalgúns dos materiais que o noso alumnado do Ciclo Medio de Atención a persoas en situación de dependencia elabora ao longo dos cursos e descubrimos outros moitos cos que aínda nos estabamos familiarizados.
