Panadería Pallares foi o establecemento gañador do concurso de escaparates da campaña de Nadal da Asociación de Comerciantes e Empresarios de Sarria (ACES), que recibiu o seu premio da man de Ricardo Arias.
A iniciativa da asociación desenvolveuse entre os días 19 e 26 de decembro, días durante os cales varios escaparates competiron nas redes sociais da ACES.
Os escaparates que máis “Me gusta” lograron foron os da Panadería Pallares, un total de 112 seguidos do escaparate do comercio Calzados Gayoso, e en terceiro lugar o de Brissa Salón.
As tendas participantes cos seus escaparates foron: “Brissa Salon, Farmacia Rivas, Mercería Sarillo, Trece Tablas Store, Zaida moda infantil, Colorín Colorado, Joyería Díaz, Moncho Moda, Calzados Gayoso, Dos Ruedas, Panadería Pallares, Vilamey Complementos, Herboristería Linva, Cris Abad, Dimar Moda e Duet Moda.
