A Asociación Músico Crisanto, que engloba as escolas de Rábade, Begonte, Outeiro de Rei e Friol, celebrará este venres, 29 de decembro, o seu tradicional Festival de Nadal.
Este terá lugar no salón de actos do HULA a partir das 18.00 horas.
Está prevista a actuación da Banda da Escola e do Coro da Asociación, dirixido por Esperanza Iglesias. Ademais estarán as aulas de tradicional, a cargo de Branca Villares e Sara Coello.
No acto farase entrega dos premios do XII Certame de postais de nadal e pechará a sesión a actuación da Banda Sons e Soños.
