O club Lago DVSport celebra este venres, 22 de decembro, a súa cea-baile de Nadal, que se celebrará no local social da asociación veciñal A Choupana das Pontes.
O menú constará de croquetas, táboa de ibéricos e queixo, empanada caseira e polbo á feira de entrantes e tenreira asada con tarta xeada de sobremesa, café e chupito. Terá un prezo de 30 euros para adultos e 15 para nenos de entre 8 e 12 anos. Para os máis pequenos será de balde.
A sesión estará amenizada por un DJ e haberá sorteo de agasallos.
