Marisol Morandeira acompañou ao delegado do Goberno, Pedro Blanco, na súa visita a Guitiriz para supervisar os investimentos que a administración estatal levou a cabo nos últimos anos no municipio.
Comprobou o resultado das obras executadas nas instalacións da Estación de Tratamento de Auga Potable, cofinanciadas polo Goberno central cunha subvención de 261.920 euros.
Tamén supervisaron outros proxectos financiados con fondos estatais, como a humanización da travesía urbana da N-VI, a construción do Pump truck ou a mellora da accesibilidade na rúa Tralouteiro.
