Entregáronse os premios do IV Concurso de Decoración de Nadal do Concello de Xermade, no que participaron veciños e veciñas do municipio decorando as súas árbores, o seu belén, as súas casas e os seus establecementos.
Así, cada categoría obtivo un premio para recoñecer o esforzo, a ilusión e o cariño das persoas que participaron no concurso e así fomentaron a dinamización do Nadal no municipio.
Fernando González foi a persoa premiada na categoría Árbore, Ana B. Corral Martínez gañou na categoría Belén, Sarai Paz Prieto gañou a categoría Decoración interior, mentres que Miriam Seoane Dorado gañou a de Decoración exterior. Por último, Noemí Vigo Guerreiro gañou na categoría Establecementos comerciais e Locais de Asociacións veciñais con ‘A túa lenda NG Gourmet’.