O colectivo Amigos do Patrimonio de Castroverde convoca para este sábado unha ruta para realizar polos arredores da localidade.
A saída terá lugar a partir das 10.00 horas do centro da vila para dirixirse a Penas de San Lázaro, Camiño de Barrio, Bolaño (As Lagas, Quiosco da música, Forno do Cal, Igrexa), volta a Castro Verde polo Codesal. A lonxitude da ruta dependerá do tempo e do estado dos camiños.
Logo da percorrido terá lugar un xantar sobre as 14.00 horas nun restaurante da vila. As persoas que desexen participar deberán comunicalo antes do día 10 de xaneiro.
A ruta constará de 7 ou 8 quilómetros de percorrido de dificultade baixa. Recoméndase levar calzado axeitado.
