O grupo municipal do BNG de Castroverde conseguiu no último Pleno celebrado a unanimidade para a defensa dunha atención sanitaria digna en Castroverde.
A sesión plenaria aprobou na súa totalidade instar á Xunta de Galicia a que se cubran as ausencias pediátricas e de medicina familiar no centro de saúde de Castroverde.
Iria Castro, concelleira do BNG en Castroverde achacou ao goberno da Xunta de Galiza o desmantelamento da atención primaria e “a mala xestión por parte da consellería de sanidade nestes 15 anos de desgoberno”.
“Agardemos que desta aprobación por unanimidade significa que imos estar todos os grupos políticos defendendo a sanidade de Castroverde en tódolos ámbitos nos que cada quen ten responsabilidades” conclúe Iria Castro.
