A UNED de Lugo asinou un convenio coa Asociación Intelecto, cuxas principais entre cuxos fins e obxectivos podemos destacar fomentar e promover a sensibilización e achegamento á realidade das Altas Capacidades e neurodivergencias asociadas, así como das condicións asociadas ás mesmas, favorecendo a súa inclusión e a comprensión das súas características e promover, organizar, impulsar e deseñar accións e iniciativas encamiñadas a que familias e nenos/as ou novos/as con Altas Capacidades, neurodivergentes e outras características asociadas poidan ver satisfeitas as súas necesidades.
Mediante o presente convenio a UNED cederá de modo totalmente gratuíto espazos e infraestrutura para a celebración e organización das actividades e/ou a desenvolver pola asociación na procura dos obxectivos e fins anteriormente expostos da Asociación e con posible acreditación e/ou convalidación de créditos ECTS para os asistentes. Ao mesmo tempo profesorado e persoal da UNED poderán beneficiarse coa reserva de praza e gratuidade en calquera das diferentes actividades que a Asociación puidese organizar.
Na firma do convenio estiveron presentes dona Ánxela Rodríguez Sestelo, presidenta da Asociación Intelecto e a directora da UNED Lugo, dona Ana Belén Traseira Pena.
