O grupo leonés Cafe Quijano confirmou a celebración dun concerto en Lugo. Será o 20 de abril, ás 20.30 horas no auditorio Gustavo Freire.
Os artistas fan escala na cidade das Murallas dentro do seu Manhattan Tour 2024.
Sen dúbida, Café Quijano ten un dos directos máis espectaculares e sorprendentes que se poden ver sobre un escenario. Café Quijano non só forma parte da historia da máis exquisita música española senón que as súas cancións son éxitos que transcenderon no medio mundo e seguen sendo un dos artistas españois máis recoñecidos internacionalmente colaborando con artistas da talla de Celine Dion, Carlos Santana, Armando Manzanero, Herbie Hancock, Black Eyed Peas, Joaquín Sabina…
Non existe no panorama musical un grupo que fose capaz de alcanzar as cotas máis altas de éxito e popularidade en dous estilos musicais tan diferentes: o pop rock e o bolero. En ambos os estilos conseguiron chegar ao N1 en vendas e ser recoñecidos cos máis prestixiosos premios e nomeamentos internacionais, incluído o Grammy americano, o Grammy Award.
Coa súa maxistral triloxía Orígenes: El bolero foron o grupo con máis nomeamentos do mundo ao Latin Grammy: Gravación do Ano; Álbum do ano, Mellor álbum de pop tradicional e Produtor do ano.
Esa mestura única do mellor dos dous xéneros convive no máxico e enérxico directo dos irmáns Quijano.
