Este domingo 28 os veciños de Chantada teñen a súa primeira cita co Entroido Ribeirao do 2024. O Domingo Lambedoiro reunirá nas rúas de Chantada a partir das 11.30 horas a representantes desta festa e doutros entroidos tradicionais galegos.
O Oso de Salcedo, os Fulións Rurais do Entroido de Viana do Bolo, os Troiteiros de Bande, os Felos de Esgos e os Farrumecos de Sobradelo percorrerán as rúas da vila. Pola tarde estarán todos no Campo do Moredo, en Santiago de Arriba, a partir das 16.00 horas.
