O Xeoparque Montañas do Courel volverá estar presente este ano en FITUR, a Feira Internacional de Turismo que se celebra anualmente en Madrid e que está considerada como unha das feiras de turismo máis importantes do mundo.
O alcalde de Quiroga, José Luis Rivera, a alcaldesa de Folgoso do Courel, Lola Castro e o tenente de alcalde de Ribas de Sil e presidente da Asociación Montañas do Courel, Roberto Castro, reuníronse co xerente da Asociación Martín Alemparte para pechar a participación do Xeoparque en Fitur.
O xeoparque preséntase o día 26 de xaneiro dentro do posto da rede de xeoparques da Unesco con vinte e cinco miradoiros, cinco museos e centros de interpretación e 189 km de sendeiros que engloba.
