A Pobra do Brollón volve celebrar a súa festa de Entroido, que comezará o vindeiro 1 de febreiro en todo o municipio con diversas actividades.
Así, o xoves 1 e o 8 de febreiro terá lugar a celebración da Queima de Compadres e Comadres ás 18.30 horas na praza da Peza, que incluirá chocolatada ao remate da festa.
Pola súa parte, o domingo 4 de febreiro haberá un obradoiro entroideirx a partir das 17.00 horas que consistirá nun taller artístico para nenos e nenas do municipio.
Xa o día 10 terá lugar o desfile de disfraces, carrozas e comparsas, que sairá ás 17.00 horas do cruce da estrada de Saa para encher as rúas de vida e felicidade.
Entroido de Salcedo
Como cada ano, A Pobra do Brollón vive o máis tradicional Entroido da comarca e un dos máis importantes de Galicia, como é o Entroido de Salcedo, que terá lugar do sábado 10 ao martes 13.
O sábado e o domingo haberán funcións de teatro populares, o domingo será o día grande co pregón, os disfraces de campo e as madamas e danzantes; mentres que o luns terá lugar a saída do oso para rematar o martes coa cea popular. Ademais, de sábado a martes haberá baile de disfraces ás noites no local multiusos de Salcedo.
