A Mancomunidade de Municipios Galegos do Camiño Francés, que preside a alcaldesa de Triacastela, Olga Iglesias, abriu o proceso de selección de traballadores.
Así, tres persoas serán seleccionadas para desenvolver os labores de técnico de turismo, antropólogo e director de comunicación para o desenvolvemento do proxecto ‘Plataforma Intelixente: Camiño de Europa’.
Este proxecto enmárcase nunha axuda para experiencias de turismo que lle foi concedida á Mancomunidade polo Ministerio de Comercio, Industria e Turismo no Plan de Recuperación, Transformación e Resiliencia a través dos fondos Next Generation da UE.
Estes postos de traballo terán unha duración temporal de tres meses a xornada completa no caso do técnico de turismo e de nove meses no caso do antropólogo e o director de comunicación.
