A Asociación de Comerciantes de Samos organiza para esta mañá ás 12.00 horas unha misa na honra de San Xulián e Santa Basilisa no Mosteiro de Samos.
Ademais, haberá unha procesión polo claustro, de man do grupo A Volta do Agro e, despois, o mesmo grupo tocará unhas pezas na praza do Concello.
Todos os veciños e veciñas de Samos, así como persoas interesadas en participar desta iniciativa local, poderán facelo achegándose ata a capital do municipio.
