Preto de cincuenta nenos e nenas coñecen máis sobre os empregos dos seus familiares e as medidas de seguridade que se aplican nos traballos de distribución eléctrica.
“Papá, ponche o casco”; “lembra: a vida, sempre en primeiro lugar”; “cóidache moito” e “hai que poñerse ben os EPIs”. Estes son algúns dos consellos de seguridade que os preto de cincuenta nenos e nenas participantes na III Xornada sobre Prevención e Seguridade para as familias de EDP Redes, celebrada na oficina de Begasa en Lugo, han interiorizado e transmitido aos seus familiares. Os máis novos asimilaron á perfección a importancia de cumprir as medidas de prevención e demostraron ser os mellores promotores destas boas prácticas entre as persoas que traballan na distribución eléctrica.
A xornada de portas abertas permitiu a preto de sesenta empregados de EDP Redes de Lugo, Foz e Jarrio, así como á responsables da área de Seguridade da compañía, achegar o seu traballo diario aos seus familiares, explicándolles con que riscos se enfrontan e como os mitigan, sempre coa motivación de reunirse con eles ao finalizar as súas xornadas.
Así, os nenos e nenas participantes coñeceron máis sobre o labor que realizan os seus pais, tíos e avós e aprenderon a identificar riscos a través de distintos xogos e a poñerse correctamente os Equipos de Protección Individual (EPI).
Ademais, tiveron a oportunidade única de manobrar equipos reais como un camión guindastre con cesta elevadora, así como celas de media tensión, interruptores de alta tensión, cadros centralizados de baixa tensión ou interruptores telemandados, entre outros, así como comunicarse co centro de control para solicitar manobras a distancia. Todos os equipos operábanse sen enerxizar, para garantir o goce dos nenos con total seguridade.
“Esta iniciativa reúne as dúas cousas máis importantes que temos na vida persoal e profesional: a seguridade e a familia. É unha actividade moi enriquecedora que aliña ás dúas para que a nosa familia sexa nosa mellor razón para cumprir, sempre, as medidas de seguridade”, sinalou Miguel Mateos, conselleiro delegado de EDP Redes.
EDP Redes comezou en 2023 a celebrar estas xornadas, incluídas no seu Plan de Excelencia de Seguridade. As anteriores edicións tiveron lugar os pasados meses de febreiro e xuño, en Oviedo e Santander. Con elas búscase dar visibilidade ás boas prácticas de prevención e seguridade que os empregados de EDP Redes aplican nos seus labores diarios e vincular ás súas familias co obxectivo da compañía en materia de prevención e seguridade: cero accidentes e ningún dano persoal.
EDP Redes España
EDP Redes España xestiona máis de 52.000 quilómetros de redes e 1,4 millóns de puntos de subministración a través de E-Redes, Viesgo e Begasa. É líder en calidade de subministración, rexistrando cada ano o menor TIEPI (tempo de interrupción equivalente á potencia instalada) do sector, grazas ao esforzo investidor dos últimos anos e a dixitalización da rede de distribución. EDP Redes España é, ademais, a compañía de distribución eléctrica europea líder en sustentabilidade segundo o índice GRESB, onde obtivo unha puntuación de 99,7 puntos sobre 100.
Grupo EDP
EDP é un grupo enerxético internacional líder en creación de valor, innovación e sustentabilidade. Forma parte dos Dow Jones Sustainability Indexes (World e STOXX) e é ademais líder mundial en enerxía renovable.
En España, onde o Grupo EDP emprega de forma directa a máis de 2.000 persoas, é referente no mercado enerxético, presente na xeración, con máis de 5.000 MW de potencia instalada, 1,4 millóns de puntos de subministración en distribución e unha carteira de comercialización a clientes empresariais de enerxía eléctrica, gas natural e servizos cun consumo de máis de 15 TWh/ano.
